478.55
+0.13
562.3
+0.63
8.1
+0.05
+24
Եղանակը Երևանում
Հայ
Խոզի գրիպը հասել է Իսրայել ու Նոր Զելանդիա, իսկ պատվաստանյութին պետք է դեռ կես տարի էլ սպասել
11:25
29 Ապրիլի 2009

Խոզի գրիպի վիրուսը, որի բռնկումն անցյալ շաբաթ գրանցվեց Մեքսիկայում, շարունակում է տարածվել ողջ մոլորակով՝ անհանգստություն առաջացնելով խաղաղ բնակչության շրջանում։

Վերջին տվյալներով, խոզի գրիպից Մեքսիկայում մահացել է 152 մարդ, ավելի քան 1500-ը հոսպիտալացված է հիվանդության ախտանիշներով։ ԱՄՆ-ում խոզի գրիպով վարակվել է 68, Կանադայում 6, Նոր Զելանդիայում 3 մարդ։ Եվրոպայում խոզի գրիպի դեպքերը հասատատվել են երկու շոտլանդացիների և Իսպանիայի երկու բնակչի մոտ։ Իսրայելի առողջապահության նախարարությունը երեքշաբթի հաստատել է վարակի առաջին երկու դեպքը երկրում, հաղորդում է ՌԻԱ Նովոստին։  

ՆՈՐ ԿԱՍԿԱԾՆԵՐՆ ՈՒ ՄԻՋԱԶԳԱՅԻՆ ՊՐՈՖԻԼԱԿՏԻԿԱՆ

Աճում է նաև խոզի գրիպի կասկածներով մարդկանց հոսպիտալացման դեպքերի թիվը, դրանց մեծ մասը զբոսաշրջիկներ են, ովքեր վերադարձել են Մեքսիկա և ԱՄՆ կատարած ուղևորություններից։

Այսպիսով, երեքշաբթի վարակի առկայության կասկածով հիվանդանոց են ուղարկվել գերմանացի երեք զբոսաշրջիկներ Բավարիայից, ովքեր Մեքսիկայից վերադարձել են գրիպի ախտանիշներով։ Չինաստանում վիրուսով վարակված լինելու կասկածով հոսպիտալացվել է 4 մարդ, ևս մեկ կին՝ լեհական մայրաքաղաքում։ 

Սրան զուգահեռ շատ երկրների կառավարություններ խստագույն միջոցներ են ձեռնարկում գրիպի պրոֆիլակտիկայի ու իրենց տարածքում դրա տարածումը կասեցնելու ուղղությամբ։

Շատ երկրներ արդեն հրաժարվել կամ կրճատել են խոզի արտահանումը Մեքսիկայից և խորհուրդ տվել իրենց քաղաքացիներին առանց անհրաժեշտության լատինաամերիկյան այդ երկիր չմեկնել։ Լատինական Ամերիկայի, Եվրոպայի ու Ռուսաստանի օդանավակայանները շաբաթվա սկզբից խստագույն վերահսկողություն մտցրեցին Մեքսիկայից ու ԱՄՆ-ից եկող չվերթերի նկատմամբ։

Միևնույն ժամանակ ԵՄ-ն հայտարարել է, որ չի ծրագրում առևտրային սահմանափակումներ մտցնել Մեքսիկայի հետ հարաբերություններում այդ երկրում ծագած խոզի գրիպի պատճառով։ Առևտրի գծով եվրահանձնակատար Քեթրին Էշթոնի խոսքերով «Սննդամթերքն ու կենդանական արտադրանքը մարդու համար վտանգ չեն ներկայացնում»։ 

ՌՈՒՍԱՍՏԱՆՈՒՄ ԱՄԵՆ ԻՆՉ ԽԱՂԱՂ Է

Նովոսիբիրսկի Վարակաբանության և կենսատեխնոլոգիաների «Վեկտոր» պետական գիտական կենտրոնի գլխավոր տնօրեն Իլյա Դրոզդովը երեքշաբթի հայտարարեց, որ Ռուսաստանում այսօրվա դրությամբ խոզի գրիպով վարակվածության որևէ դեպք չի գրանցվել:

Նրա խոսքերով, առաջիկայում խոզի գրիպի տարածման առումով իրավիճակը Ռուսաստանի բնակիչների համար վտանգավոր չէ:

«Առաջիկայում մենք իրավիճակը վտանգավոր չենք գնահատում Ռուսաստանի բնակիչների համար»,- ասաց կենսաբանական սպառնալիքներով զբաղվող կենտրոնի ղեկավարը:

Նրա խոսքերով, հիմք կա ասելու, որ Մեքսիկայում սկսված խոզի գրիպի տարածումը շուտով կկանգնեցվի:

«Ոչ միայն զարգացման, այլև նահանջի նշաններ կան: Եվ վարակի նահանջի ամենամեծ նշաններից մեկն այն է, որ մահացությամբ ավարտվելու զարգացում չի նկատվում: Դա թույլ է տալիս մոտ ապագային նայել դրական տեսանկյունից, մենք այդ անկման ականատեսները կլինենք»,- նշեց Դրոզդովը:

Ավելի վաղ երեքշաբթիրհաստատվեց Ռուսաստանի տարածքում վարակով հնարավոր հիվանդացության առաջին մտահոգությունները: Մեքսիկայից ժամանած և թուլությունից, տկարությունից, հարբուխից և կոկորդի ցավից բողոքող և «Շերեմետևո» օդանավակայանի բուժկետ դիմած ՌԴ քաղաքացուհու մոտ վարակ չի հայտնաբերվել:

Մոսկվայի դեղատների ցանցի ներկայացուցիչներն իրենց հերթին հաստատել են, որ մայրաքաղաքի ավանդական հակագրիպային միջոցների՝ արբիդրոլի և ռեմանտադինի պահանջարկը չի մեծացել խոզի գրիպի համավարակի սպառնալիքի վերաբերյալ տեղեկություններից հետո:

ՊԱՏՎԱՍՏԱՆՅՈՒԹ ԿԼԻՆԻ ԿԵՍ ՏԱՐՈՒ՞Ց

ԲԳՌԱ վարակաբանության ԳԱԱ տնօրեն Դմիտրի Լվովի կարծիքով, խոզի գրիպի դեմ հատուկ պատվաստանյութը պատրաստ կլինի կես տարուց ոչ շուտ:

«Խոզի գրիպի պատվաստանյութը լավագույն դեպքում պատրաստ կլինի կես տարուց»,- ՌԻԱ Նովոստիում տեղի ունեցած մամուլի ասուլիսի ժամանակ ասաց Լվովը:

Խոզի գրիպի դեմ արդյունավետ միջոց դեռ չի հայտնաբերվել, Լվովը խորհուրդ տվեց ռուսաստանաբնակներին պատավաստվել գրիպի դեմ արդեն գոյություն ունեցող կոմերցիոն պատվաստանյութերով, որոնցում առկա է H1N1 տարրը:

«Այդ պատվաստանյութը, իհարկե, ոչ լիովին է համապատասխանում խոզի գրիպին, չի կարող կանխել հիվանդությունը, սակայն, ամեն դեպքում պաշտպանում է մահից»,- ասաց փորձագետը՝ ավելացնելով, որ իր տվյալներով, պատվաստում ստացածներից ոչ ոք դեռ չի մահացել:

Բացի այդ նա ռուսներին խորհուրդ տվեց ձեռքի տակ ունենալ հակավարակային այնպիսի միջոցներ, ինչպիսին ենք «Տամիֆլյու» և «Արբիդոլ» դեղամիջոցները: Նա խորհուրդ տվեց խուսափել մարդկանց զագվածային կուտակումներից և դիմակներ կրել մարդաշատ վայրերում, ավելի շատ լինել մաքուր օդում:

ՈՉ ԹԵ «ԽՈԶԻ», ԱՅԼ «ՆՈՐ»

Առողջապահության եվրահանձնակատար Անդրուլա Վասիլիուի կարծիքով հիվանդությունը, որի բռնկումը ավելի քան 100 մարդու կյանք է խլել, պետք է «նոր» գրիպ կոչել, ոչ թե «խոզի», քանի որ այդ անվանումը կարող է բացասաբար ազդել խոզի միս վաճառողների վրա։  

Եվրահանձնակատարը հաստատեց, որ խոզի միսն անվտանգ է, իսկ դրա օգտագործումը սննդում ոչ մի կապ չունի հիվանդության բռնկման հետ։ Վասիլիուի խոսքերով, «խոզի գրիպ» ձևակերպման առաջացնող «սխալ ասոցիացիան», կարող է բացասաբար անդրադառնալ խոզի մսի արտադրողների վրա։

Ավելի վաղ հիվանդության անվան առնչությամբ բազում վիճաբանություններ են եղել։ H1N1 վիրուսի հարուցած հիվանդությունն արդեն նվազագույնը երկու անվանում ունի «Կալիֆոռնիա 04/2009» և «խոզի գրիպ»։

Միջազգային ախտաբանական բյուրոն (OIE) կարծում է, որ այն պետք է անվանել «հյուսիսամերիկյան», ոչ թե «խոզի» գրիպ։  

Նմանատիպ կարծիք ունեն նաև Իսրայելում, որտեղ Առողջապահության նախարարը որոշել է անվանափոխել ուղղահավատ հրեայի համար անբարեհունչ «խոզի գրիպը»՝ հիվանդությունը կոչելով «մեքսիկական», քանի որ խոզը հրեայի համար կեղտոտ կենդանի է։ -0-

Loading...
Թեմատիկ նյութեր
Բաժնի այլ նյութեր
20:40
22 Օգոստոսի 2017
78–ամյա կինը որոնվում է որպես անհետ կորած (ՖՈՏՈ)
78–ամյա Քնարիկ Գալստյանը որոնվում է որպես անհետ կորած։
18:55
22 Օգոստոսի 2017
ՀՀ ԱԻՆ–ը շարասյուն է ուղարկել Վրաստան անտառային խոշոր հրդեհը մարելու համար
Նախնական տվյալներով՝ կրակն արդեն ոչնչացրել է շուրջ 5 հա բուսածածկ տարածք։
17:13
22 Օգոստոսի 2017
Աբխազիայում դաժանորեն ծեծել են հայազգի ոստիկանի
Օրեր առաջ Աբխազիայում դաժանորեն ծեծի են ենթարկել հայազգի ոստիկանի։
15:28
22 Օգոստոսի 2017
Մանրամասներ Վրաստանում տուժած հայերի առողջական վիճակի մասին
Հայաստանի ԱԻ նախարարությունը հայտնում է Վրաստանում վթարից տուժած հայերի առողջական վիճակի մասին։
14:42
22 Օգոստոսի 2017
Տղամարդը ծանր վիրավորվում է ստացել ավազակային հարձակման ընթացքում
Հարուցվել է քրեական գործ. տուժած  քաղաքացին առայժմ ի վիճակի չէ ցուցմունքներ տալ։
13:04
22 Օգոստոսի 2017
Երևանի բնակելի տներից մեկի բակում նռնակ է հայտնաբերվել
Ավան-Առինջ 1-ին միկրոշրջանի թիվ 1/10 շենքի բակում գտնվող ավտոտնակների մոտակայքում նռնակ է նկատվել։
12:28
22 Օգոստոսի 2017
ՃՏՊ Վրաստանում. ՀՀ 6 քաղաքացի տեղափոխվել է հիվանդանոց
Վրաստանի Ցխալտուբո շրջանի Քութաիսի-Սամտրեդիա ավտոճանապարհին «Mercedes-Benz Vito» մակնիշի միկրոավտոբուսը  բախվել է տրակտորին:
12:25
22 Օգոստոսի 2017
Հիվանդանոցում մահացել է վրաերթից մահացած փոքրիկի պապը
Օգոստոսի 20-ին ողբերգական ՃՏՊ է տեղի ունեցել Կոտայքի մարզում։
11:00
22 Օգոստոսի 2017
Տղամարդն ինքնասպան է եղել կնոջ հետ ունեցած վեճից հետո
Նախօրեին ողբերգական միջադեպ է տեղի ունեցել Երևանում։
14:34
21 Օգոստոսի 2017
ՀՀ ԱՆ–ն ներկայացրել է «Արմենիա» ԲԿ–ում նորածնի մահվան պատճառը
Օրեր առաջ «Արմենիա» ԲԿ–ում նորածին է մահացել։
11:14
21 Օգոստոսի 2017
Պետերբուրգում 39–ամյա հայաստանցու դի են գտել` գլխի շրջանում հրազենային վնասվածքով
Սանկտ Պետերբուրգում 39–ամյա հայաստանցու դի են գտել` գլխի շրջանում հրազենային վնասվածքով։
10:13
21 Օգոստոսի 2017
Ողբերգական վրաերթ Կոտայքում. 2 տարեկան երեխան հիվանդանոցում մահացել է
23–ամյա վարորդը Opel–ով վրաերթի է ենթարկել հետիոտներ պապն ու թոռանը։