ԵՐԵՎԱՆ, 4 դեկտեմբերի. /Նովոստի Արմենիա/. Դեկտեմբերի 2–ին 70–ամյա տղամարդու դի է հայտնաբերվել Արարատի մարզի տներից մեկում։
ՀՀ քննչական կոմիտեի Արարատի մարզային քննչական վարչությունում միջոցներ են ձեռնարկվում՝ պարզելու մարզի 70-ամյա բնակչի մահվան հանգամանքները:
Տղամարդու դիակի վրա առկա են բռնության հետքեր: Պարզվել է, որ մահացածը տան տերն է՝ Արարատի մարզի բնակիչ Պետիկ Աբրահամյանը։
Загружается новость ...
"Право"
Կատարվել է դեպքի վայրի զննություն, նշանակվել դիակի դատաբժշկական փորձաքննություն:
Համաձայն դատափորձագետների տրամադրած նախնական տվյալների՝ տղամարդու մահը վրա է հասել սրտամկանի ինֆարկտի հետևանքով, հայտնում է Հայաստանի քննչական կոմիտեի մամուլի ծառայությունը։
Միաժամանակ տվյալներ են ձեռք բերվել, որ տարեց տղամարդն օրեր առաջ բռնության է ենթարկվել որդու կողմից։ Ձեռնարկվում են անհրաժեշտ միջոցառումներ՝ դեպքի բոլոր հանգամանքների բազմակողմանի և օբյեկտիվ հետազոտումն ապահովելու ուղղությամբ։ -0-