ԵՐԵՎԱՆ, 7 օգոստոսի./Նովոստի–Արմենիա/. Քննիչները ձերբակալել և հարցաքննել են ծնունդով Հայաստանից մի քաղաքացու, ով կասկածվում է սառը զենքի և ուժի կիրառմամբ Լենինգրադի մարզի Վսեբոլոժսկի շրջանում մանկապարտեզի տնօրենի առևանգման համար, հայտնում է ՌԴ ՔԿ մարզային վարչության մամուլի ծառայությունը, գրում է
ՏԱՍՍը։
«Ներկայում տղամարդը ձերբակալվել է քրեակատարողական կարգով և հարցաքննվել է որպես կասկածյալ»,– ասվում է գերատեսչության հաղորդման մեջ։
Ավելի վաղ հաղորդվել է, որ ոստիկանություն է դիմել առևանգվածի դուստրը, ով պատմել է, որ իր մորը, որը մանկապարտեզի տնօրեն է, երկուշաբթի բռնի ուժով նստեցրել են մեքենա և տարել անհայտ ուղղությամբ։
Ավելի ուշ ՔԿ Լենինգրադի մարզի վարչությունը քրեական գործ է հարուցել մարդու առևանգման փաստով։ Կնոջը, ՔԿ–ի տեղեկություններով, հաջողվել է համոզել իրեն բաց թողնել, ինչից հետո նա վերադարձել է տուն։ -0-