ԵՐԵՎԱՆ, 29 մայիսի. /Նովոստի-Արմենիա/. Չելյաբինսկում մգեցված ապակիներով ավտոմեքենայում հայտնաբերվել են 48–ամյա տղամարդու և նրա երկամյա որդու մարմինները։ Հայրն ու որդին կորել էին մեկ ամիս առաջ։
Ինչպես հայտնում է
chelyabinsk.74.ru–ն, ըստ վարկածներից մեկի, հայրը սպանել է որդուն և այնուհետև ինքնասպանություն է գործել։ Ավտոմեքենայում գտել են սինթետիկ թմրանյութ հիշեցնող նյութ, որն ուղղարկվել է փորձաքննության, հայտնում է ՔԿ Կուրչատովի շրջանի քննչական բաժնի ղեկավար Իգոր Միտրոխինը։
Հայաստանի քաղաքացին և նրա որդին կորել են դեռևս մայիսի 1–ին։ Այն ժամանակ տղամարդու կենակիցը` երեխայի մայրը, դիմել է ոստիկանություն։ Որոնումներ են սկսվել, որոնք արդյունք չեն տվել։ Մայիսի 17–ին հարուցվել է քրեական գործ` սպանության առթիվ։
Загружается новость ...
"Право"
Նախօրեին` մայիսի 28–ին, ավտոմեքենան հայտնաբերել են Շահումյան փողոցի ոչ բանուկ հատվածում։ Անցորդներից մեկին գրավել է ավտոմեքենայից եկող դիակահոտը։ Սրահի մեջ նայելն անհնարին է եղել մգեցված ապակիցների պատճառով, և քաղաքացիները դիմել են ոստիկանություն։
«Մենք տեղեկություն ունենք, որ նա նախապատրաստություն էր անցկացնում,– բացատրում է երեխայի սպանության և ինքնասպանության վարկածն Իգոր Միտրոխինը։ – Վերջին ժամանակներում թմրանյութերի ֆոնին նրա մոտ պարանոյա և հետապնդման մոլուցք է զարգացել։ Կարծում ենք, որ հենց այդ վիճակը կարող էր հանգեցնել հանցագործության»։
Նշանակվել է դատաբժշկական փորձաքննություն, սակայն տղամարդու և երեխայի մահվան պատճառների սահմանելու խնդիրներ կարող են առաջանալ մարմինների նեխման հետևանքով գոյացած ուժեղ փոփոխությունների հետևանքով։ Կվերցվեն արյան և մազերի նմուշներ` օրգանիզմում թմրանյութերի առկայությունը պարզելու համար։
Միտրոխինը չի բացառում, որ հայրը սկզբից թմրանյութ է տվել որդուն, իսկ այնուհետև ինքն է ընդունել գերչափաբաժին։
Հետաքննությունը շարունակվում է։ -0-