Հայաստանի քաղաքացին դատվում է վագոնավար կնոջը բռնաբարելու համար

ԵՐԵՎԱՆ, 17 ապրիլի. /Նովոստի-Արմենիա/. Նիժնի Նովգորոդում որպես վարորդ աշխատող ՀՀ քաղաքացին դատարանի առջև է կանգնել վագոնավար կնոջը բռնաբարելու մեղադրանքով:

Ինչպես հայտնում են ռուսական ԶԼՄ-ները, հղում անելով ՌԴ Նիժնի Նովգորոդի ՔԿ մամուլի ծառայությանը, միջադեպը տեղի է ունեցել նախորդ տարվա դեկտեմբերին:

«Երթուղայինի անսթափ վարորդը Նիժնի Նովգորոդի Բաումանի փող. տներից մեկում ծեծի է ենթարկել և բռնաբարել է 21-ամյա աղջկա, ով աշխատում էր որպես վագոնավար»,- նշվում է հաղորդման մեջ:

Առաջադրված մեղադրանքով վարորդը մեղքը չի ընունել: Նախկինում դատվածություն չի ունեցել:
Ներկայում մեղադրական եզրակացությամբ քրեական գործն ուղղվել է դատարան՝ գործն ըստ էության դիտարկելու համար: -0-