Երևանում մոլեգնած փոթորկի հետևանքով տղամարդ է մահացել

ԵՐԵՎԱՆ, 7 հունիսի. /Նովոստի-Արմենիա/. Հունիսի 6-ի երեկոյան Երևանում տեղի ունեցած ուժեղ փոթորկի պատճառով ողբերգական դեպք է տեղի ունեցել:

Ինչպես հայտնում է shamshyan.com կայքը, ժամը 18:40-ի սահմաններում Երևանի շտապօգնության 1-03 ծառայության հերթապահ խումբը ահազանգել է ոստիկանության Երևան քաղաքի վարչության օպերատիվ կառավարման կենտրոն և հայտնել, որ կանչով մեկնել են Աէրացիա 12/1 հասցե, Ստվարաթղթի գործարան, որտեղ մարմնական վնասվածքներով քաղաքացի կա:


«Աստղիկ» բժշկական կենտրոն տեղափոխելու ճանապարհին Շիրակի 4-րդ շենքի բնակիչ, 63-ամյա Բաղդասար Չարկիչյանը մահացել է:

Նա այցելելիս է եղել նշված գործարան՝ իր փեսային, երբ տանիքից փոթորիկը պոկել և մեծ թվով մետաղյա թիթեղներ է շպրտել ու հարվածել նրան:

Փաստի առթիվ հարուցվել է քրեական գործ: -0-