ԵՐԵՎԱՆ, 13 հունվարի. /Նովոստի-Արմենիա/. Կիրակի օրը վաղ առավոտյան հրդեհ է բռնկվել Երևանի կենտրոնում գտնվող շենքերից մեկի բնակարանում:
Ինչպես հայտնում է ԱԻՆ մամուլի ծառայությունը, ժամը 07:56-ին «911» ծառայությանն ահազանգ է ստացվել, որ հրդեհը բռնկվել է Վարդանանց փողոցի թիվ 5ա շենքի 9-րդ հարկի բնակարաններից մեկում:
Ըստ հաղորդագրության, դեպքի վայր են մեկնել ԱԻՆ ՓԾ հրշեջ-փրկարարական ջոկատից երեք մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի արտակարգ իրավիճակների արձագանքման ու օպերատիվ խմբերը և հոգեբանական աջակցության բաժնի հրահանգիչը, ինչպես նաև Աղետների բժշկության կենտրոնի հերթապահ բժիշկը:
Հրդեհը մեկուսացվել է ժամը 08:42-ին, մարվել՝ 08:58-ին:
Փրկարարները շքամուտքի հատակին հայտնաբերել են քաղաքացի Հ. Խ.-ի (ծնված 1937 թ.) դին:
Բնակարանի բնակիչներ Ն. (1968 թ.), Լ. (1998 թ.) և Ի. (1991 թ.) Խ.-ները հոսպիտալացվել են «Ճառագայթային բժշկության և այրվածքների գիտական կենտրոն» ՓԲԸ: Բժիշկները տուժածների առողջական վիճակը գնահատել են միջին ծանրության:
Հրդեհի հետևանքով բնակարանում (150 քմ) ամբողջությամբ արվել են երկու ննջասենյակները, սանհանգույցը և խոհանոցը` գույքով, հյուրասենյակը` մասամբ:
Դեպքի վայրում հոգեբանական խորհրդատվության գծով հրահանգիչը ընտանիքի անդամներին ցուցաբերել է հոգեբանականան աջակցություն: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում