ԵՐԵՎԱՆ, 23 փետրվարի. /Նովոստի Արմենիա/. Օրերս հայտնի դարձավ, որ Մատենադարանում գողություն է կատարվել: Ըստ ոստիկանության տվյալների, փետրվարի 20-ին տեղի ունեցած միջոցառման ժամանակ շենքից գողացվել է արույրից պատրաստված երկու արժեքավոր ափսե:
«Նովոստի Արմենիա» գործակալությունը կապվել է Մատենադարանի Վերականգնման բաժնի ղեկավար Գայանե Էլիազյանի հետ, ով պարզաբանել է տեղի ունեցածը:
Նա պատմել է, որ «Մատենադարանում» գոյություն ունի տարբեր կազմակերպությունների կողմից շնորհանդեսների անցկացման պրակտիկա: Միջադեպի օրը նման կազմակերպություններից մեկը գրքի շնորհանդես էր կազմակերպել վարձակալած պահեստային դահլիճում, իսկ նախասրահում մասնակիցների համար կազմակերպվել էր ֆուրշետ:
Միջոցառման ավարտից հետո կազմակերպիչները հայտնաբերել են երկու ափսեների պակասությունը:
Թանգարանի աշխատակիցը միանգամից պարզաբանեց, որ գողացվածը ոչ մի կերպ կապված չի եղել Մատենադարանի և նրա ցուցանմուշների հետ:
«Դա եղել է նրանց սեփականությունը: Նրանք բերել են ափսեները ֆուրշետի սեղանը ձևավորելու համար: Այդ իսկ պատճառով սպասքավորման բոլոր պարագաների համար պատասխանատվությունը եղել է նրանց վրա», - ասել է մեր զրուցակիցը` նշելով, որ Մատենադարանում կան տեսախցիկներ, սակայն այդ տեսախցիկները չեն ուղղում ֆուրշետի անցկացման վայր ծակող լույսի պատճառով:
Միաժամանակ, շնորհանդեսի կազմակերպիչներից մեկը վեճ է սկսել ափսեների կորուստի պատճառով, իսկ ավելի ուշ դիմել է իրավապահ մարմիններին:
«Տեղի ունեցածի մասին նա հայտնել է ոստիկանություն: Իսկ հաջորդ օրը հայտնվել է մի կին, ով, հավանաբար, քեյթրինգային ընկերության աշխատակից է և վերադարձրել է այդ երկու ափսեները, նշելով, որ սխալմամբ է վերցրել դրանք», - ասաց Էլիազյանը:
Загружается новость ... "Лево"
Նա ավելացրել է, որ ափսեները պատրաստված են արույրից (լատուն), և դրանց սեփանակատերերի խոսքով, մի ափսեի արժեքը կազմում է մոտ 100 հազար դրամ (գրեթե 208 հազար դոլար):
Մատենադարանը հնագույն ձեռագրերի և փաստաթղթերի պահպանման և ուսումնասիրման կենտրոն է, ձեռագրերի պահպանման աշխարհի ամենահարուստ կենտրոններից մեկը։ Ունի ձեռագրերի և միջնադարյան գրքերի աշխարհի ամենախոշոր հավաքածուներից մեկը։ Այստեղ պահպանվում են շուրջ 23000 ձեռագրեր, հմայիլներ, պատառիկներ և 300 000 արխիվային փաստաթուղթ։
Մատենադարանը գրանցված է ՅՈՒՆԵՍԿՕ-ի համաշխարհային հիշողության ցանկում։ Այն այժմ համարվում է «ազգային հիշողության պահպանման և զարգացման ամենակարևոր վայրերից մեկը»։ -0-
