Դանակահարություն Էրեբունիում. վիրավորները չեն հիշում կատարվածի մասին

ԵՐԵՎԱՆ, 6 մարտի. /Նովոստի–Արմենիա/. Ոստիկանության Էրեբունի բաժնի հետաքննչական բաժանմունքում նյութեր են նախապատրաստվում՝ մարտի 4-ին Երևանում Էրեբունի վարչական շրջանում տեղի ունեցած 2 քաղաքացու դանակահարության փաստով:

Shamshyan.com կայքի տեղեկացմամբ, մարտի 4–ին Ժամը 19:20-ի սահմաններում Էրեբունի բժշկական կենտրոնից ահազանգ է ստացվել ոստիկանության Երևան քաղաքի վարչության օպերատիվ կառավարման կենտրոն, որ «որովայնի ձախ շրջանի ծակած-կտրած վերք» ախտորոշմամբ իրենց մոտ է տեղափոխվել մի քաղաքացի։

Քիչ անց նույն ախտորոշմամբ մեկ այլ քաղաքացի էլ է բերվել հիվանդանոց:

Հիվանդանոց մեկնած ոստիկանության Էրեբունու բաժնի աշխատակիցները պարզել են, որ վիրավորները Երևան քաղաքի Խորենացու փողոցի 47 շենքի բնակիչ, 26-ամյա Գևորգ Բարսեղյանը և Երևան քաղաքի Վարդաշենի 6-րդ փողոցի բնակիչ, 21-ամյա Ալբերտ Վարպետյանն են:

Վիրավորները կատարվածի մասին որևէ տեղեկություն չեն կարողացել տալ, քանի որ բժիշկներին հայտնել են, որ չեն հիշում, թե ինչպես է կատարվել դանակահարությունը։

Ոստիկանության աշխատակիցներին հաջողվել է պարզել, որ նույն օրը ժամը 17:00-ի սահմաններում Նուբարաշենի փողոցում գտնվող «Փայտի շուկա» կոչվող տարածքում նրանց հետ վիճաբանել ու մարմնական վնասվածքներ է պատճառել Երևան քաղաքի Աթոյան անցուղու 20-ամյա բնակիչ Հակոբ Հակոբյանը:

Կայքի տեղեկացմամբ, ոստիկանների անցկացված բացատրական աշխատանքների շնորհիվ նախօրեի գիշերը` ժամը 02:00-ի սահմաններում, Հակոբյանն ինքնակամ ներկայացել է Էրեբունու ոստիկանություն, բացատրություն է տվել, ինչից հետո, հետաքննիչի որոշմամբ, ստորագրությամբ բաց է թողնվել: -0-