ԵՐԵՎԱՆ, 2 դեկտեմբերի. /Նովոստի–Արմենիա/. Խոշոր ավտովթար է տեղի ունեցել նախօրեի երեկոյան Արմավիրի մարզում:
Ժամը 21:40-ի սահմաներում Արմավիրի մարզի Դալարիկ գյուղի բնակիչ, 27-ամյա Մհեր Սարգսյանը Շենիկ-Վանանդ գյուղամիջյան ավտոճանապարհի 5-րդ կմ հատվածում իր վարած ПАЗ 672 ավտոբուսով դուրս է եկել ճանապարհի երթևեկելի գոտուց և կողաշրջվել:
Ինչպես հայտնում է
shamshyan.com–ը, վթարի հետևանքով վարորդ Մ.Սարգսյանն ու ուղևորներ, Արմավիրի մարզի Լեռնագոգ գյուղի բնակիչ, 55-ամյա Վարդթիթեռ Սարգսյանը, վարորդի համագյուղացիներ, 24-ամյա Զարուհի Օզմանյանը և 34-ամյա Նինա Ասլանյանը մարմնական վնասվածքներով տեղափոխվել են Արմավիրի բժշկական կենտրոն:
Դեպքի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի 1-ին դասակի աշխատակիցները։ Փաստի առթիվ նյութեր են նախապատրաստվում: -0-