ԵՐԵՎԱՆ, 27 փետրվարի. /Նովոստի-Արմենիա/. Ուղևորներով միկրոավտոբուսը չորեքշաբթի ցերեկը վթարի է ենթարկվել Ստավրոպոլի երկրամասում, կան տուժածներ։ Այդ մասին
«Ինտերֆաքս»–ին է հայտնել ԱԻՆ երկրամասի վարչության մամուլի ծառայության ղեկավար Օլեգ Դեգտյարյովը։
«Մոսկվայի ժամանակով 12։10–ին տեղեկություն է ստացվել, որ «Կովկաս» դաշնային ավտոճանապարհի 223–րդ կիլոմետրում` Կոչուբեևսկոյե գյուղից ոչ հեռու, «Մերսեդես Վիտո» միկրոավտոբուսը գլորվել է ձորակը»,– ասել է Դեգտյարյովը։
Загружается новость ...
"Право"
Նրա խոսքով, միկրոավտոբուսում եղել է վեց մարդ` ներառյալ վարորդը։
«Բոլոր վեց ուղևորները` երեք տղամարդ և երեք կին, տուժել են։ Նրանք տեղափոխվել են Նևիննոմիսկի քաղաքային հիվանդանոց»,– նշել է գործակալության զրուցակիցը։
Նա նաև ասել է, որ «կապ է հաստատվել հայկական համայնքի հետ»։
«ՃՏՊ–ի վայրը շղթայվել է ոստիկանների կողմից, աշխատում են բոլոր հրատապ ծառայությունները»,– ավելացրել է Դեգտյարյովը։
Իրազեկ աղբյուրը միաժամանակ հայտնել է, որ բոլոր տուժածները Հայաստանի քաղաքացիներ են։ -0-