Audi և Նիվա մեքենաներ են բախվել Երևանում. վիրավորների թվում կան երեխաներ

ԵՐԵՎԱՆ, 24 հունվարի. /Նովոստի–Արմենիա/. Նախօրեի երեկոյան ավտովթար է տեղի ունեցել Երևանում։

Ժամը 22։30-ի սահմաններում Դավիթ Անհաղթ և Կ. Ուլնեցի փողոցների խաչմերուկում բախվել են Վազ 21214 և Audi ավտոմեքենաները։

Ինչպես հայտնում է shamshyan.com կայքը, Վազ մեքենան պատկանում է Նոր Նորքի 1–ին զանգվածի բնակիչ, 25-ամյա Ռուբիկ Մկրտչյանին, իսկ Audi–ին` Երևան քաղաքի Բաղրամյան պողոտայի բնակիչ Արեն Մարտիրոսյանին։

Վթարի հետևանքով Ռ. Մկրտչյանը և Ա. Մարտիրոսյանի ուղևորներ՝ Երևան քաղաքի Լեփսիուսի փողոցի բնակիչներ, 8-ամյա Արես Նավասարդյանը, 15-ամյա Էլեն Բոյախչյանը, 37-ամյա Սեդա Խաչատրյանը մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն, իսկ Ռ. Մկրտչյանի ուղևորներ՝ Երևան քաղաքի Անդրանիկի փողոցի բնակիչներ, 3-ամյա Ռոբերտ Մարտիրոսյանն ու 32-ամյա Մանե Աղախանյանը մարմնական վնասվածքներով տեղափոխվել են «Սուրբ Աստվածամայր» բժշկական կենտրոն։

Դեպքի վայր են ժամանել Ճանապարհային ոստիկանության 1-ին սպակայան գումարտակի 8-րդ դասակի ծառայողները։

Փաստի առթիվ նյութեր են նախապատրաստվում: -0-