Արցախում ավիառումբ է պայթել. կա տուժած

ԵՐԵՎԱՆ, 19 հունիսի./Նովոտի–Արմենիա/. Արցախում չորեքշաբթի արտակարգ դեպք է տեղի ունեցել։

Ինչպես հայտնում է Արցախի ԱԻՆ մամուլի ծառայությունը, ժամը 12:48-ին ԱՀ արտակարգ իրավիճակների պետական ծառայության ճգնաժամային կառավարման կենտրոն Հադրութի շրջանային ԱԻ բաժնից ահազանգ է ստացվել ավիառումբի պայթյունի վերաբերյալ։

Պարզվել է, որ Հադրութի շրջանի Տող համայնքի տարածքում, խաղողի այգում աշխատելիս, դեռևս չպարզված հանգամանքներում գնդիկաբեկորային ավիառումբ է պայթել։

Պայթյունի հետևանքով բեկորային վնասվածքներ է ստացել Մեծ Թաղեր համայնքի 1985թ. ծնված բնակիչ Արարատ Մարգարյանը:
Ինչպես նշվում է հաղորդման մեջ, տուժածը տեղափոխվել է «Հանրապետական բժշկական կենտրոն»:

Ըստ բժիշկների՝ տուժածի վիճակը գնահատվում է միջին ծանրության: -0-