ԵՐԵՎԱՆ, 15 հուլիսի․ /Նովոստի-Արմենիա/․ 10 օր առաջ անհետ կորած գյուղացի Նարեկ Սարդարյանը միայն այսօր է ներկայացվել հանրությանը: Այս մասին իր Facebook- յան էջում գրել է ադրբեջանագետ Արմինե Ադիբեկյանը:
Загружается новость ... "Лево"
«Ընթերցելով ադրբեջանական մամուլը` տպավորություն է ստեղծում, որ դա տեղի է ունեցել այս օրերին, բայց այդպես չէ: Մեր հարևանի կինը հենց այդ գյուղից է, և մի քանի օր առաջ ես հենց նրանից եմ իմացել, որ բնակիչ է կորել իրենց գյուղից: Ձիով անասունը տարել է արոտավայր և կորել։ Ես ենթադրեցի, որ նա կարող էր մոլորվել և պատահաբար հայտնվել Նախիջևան: Բայց ադրբեջանական կողմի լռությունը հուշում էր, որ ես սխալվում եմ, ամենայն հավանականությամբ, նրա հետ դժբախտություն է պատահել, և նա ընկել է ձորը կամ նման մի բան և մահացել: », - գրել է Ադիբեկյանը:
Ըստ նրա, Տավուշի ռազմաճակատի ամոթալի պարտության ֆոնին Ադրբեջանը հանել է թևքերում թաքցրած խաղաքարտը՝ «իր երկրում բռնությունից, պաշտոնեական կամայականություններից և անարդարությունից հոգնած» հովվին:
«Նախ, ինչու՞ այն մասին, որ իրենց մոտ ՀՀ քաղաքացի է գտնվում, չհայտնեցին միանգամից՝ նրա այնտեղ հայտնվելուն պես։ Չեն տեղեկացրել Կարմիր խաչին: Ինչո՞ւ են այդ մարդուն պահել մի քանի օր և ցույց տվեցին միայն այսօր: Սա բոլոր համապատասխան կոնվենցիաների խախտում է, որոնց մասին նրանք հիշում են, երբ իրենց ցավեցնում են», - գրել է Ադիբեկյանը:
Նա կոչ է արել ՀՀ օմբուդսմենին այդ փաստը վերահսկողության տակ առնել և միջազգային կառույցներին փոխանցել Ադրբեջանի սարսափելի պահվածքը:
«Նովոստի-Արմենիա» գործակալությունը մեկնաբանության համար դիմել է ԱԱԾ մամուլի ծառայությանը: Գերատեսչությունը պատասխանել է, որ ուսումնասիրում է տեղեկատվությունը, բայց դրա վերաբերյալ որևէ հայտարարություն չի ստացել: -0-