Երևանյան հյուրանոցներից մեկում 49–ամյա կինը դանակահարել է 40–ամյա տղամարդուն, վերջինս էլ խլել է դանակն ու հարվածել կնոջը

ԵՐԵՎԱՆ, 11 մայիսի./Նովոստի–Արմենիա/. Մայիսի 10-ին, ժամը 18.50-ին, ոստիկանություն զանգած քաղաքացին հայտնել է, որ Դավիթ Անհաղթի փողոցի հասցեներից մեկում անհայտ քաղաքացին դանակահարել է իր ընկերուհուն, հաղորդում է ՀՀ ոստիկանության մամուլի ծառայությունը:


Րոպեներ անց երկու տարբեր հիվանդանոցներից է հաղորդում ստացվել. կտրած-ծակած վերքերով բուժօգնության էին տեղափոխվել 40-ամյա տղամարդ և 49-ամյա կին:

«Ոստիկանության Քանաքեռ-Զեյթունի բաժնի ծառայողները պարզել են, որ ժամը 18.30-ին Դավիթ Անհաղթի փողոցի հյուրանոցում տեղի ունեցած վիճաբանության ժամանակ 49-ամյա կինը դանակով խփել էր 40-ամյա տղամարդուն, նա էլ խլելով դանակը՝ խփել է կնոջ որովայնին՝ պատճառելով վնասվածքներ», – նշվում է գերատեսչության հաղորդագրության մեջ:

Հանցագործության գործիք դանակը հայտնաբերվել և առգրավվել է: Նշանակվել են փորձաքննություններ: Կատարվում է նախաքննություն:–0–