Երևանում բախվել են ՎԱԶ–ն ու Opel–ը. կա վիրավոր

ԵՐԵՎԱՆ, 15 մարտի./Նովոստի–Արմենիա/. Այսօր՝ մարտի 15-ին, խոշոր ավտովթար է տեղի ունեցել Երևանում:

Shamshyan.com–ի հաղորդմամբ, ժամը 14:20-ի սահմաններում Ավան թաղապետարանի դիմաց բախվել են ՎԱԶ-2121 մակնիշի և Opel մակնիշի ավտոմեքենաները:

Վթարի հետևանքով «Նիվան» գլխիվայր շրջվել է:

Փաստի առթիվ նյութեր են նախապատրաստվում: Վթարի հետևանքով 1 մարդ տեղափոխվել է հիվանդանոց: Ճանապարհային ոստիկանությունը պարզում է վարորդների և վիրավորի ինքնությունը:–0–