Երևանում անհայտ անձը ավտոտնակից ցած է նետել Nissan Teana մակնիշի ավտոմեքենան (ՏԵՍԱՆՅՈՒԹ)

ԵՐԵՎԱՆ, 18 մարտի. /Նովոստի–Արմենիա/. Այսօր՝ մարտի 18-ին, խորհրդավոր դեպք է տեղի ունեցել Երևանում։

Shamshyan.com–ի հաղորդմամբ, ժամը 09:00-ի սահմաններում Արաբկիր վարչական շրջանի Ազատության 9/3 հասցեի բնակիչը նկատել է, որ իրեն պատկանող Nissan Teana մակնիշի ավտոմեքենան կախված է ավտոտնակից ներքև։

Նշվան վայր են ժամանել ոստիկաններն ու քննիչները։

Կայքի հաղորդմամբ, ավտոմեքենան ոչ թե վարորդի մեղքով է այդ վիճակում հայտնվել, այլ գիշերը ինչ-որ մեկը Mercedes մակնիշի ավտոմեքենայով գտնվել է նշված վայրում, ուժեղ երաժշտություն է միացրել իր մեքենայում, որից հետո ավտոմեքենան առաջ է հրել և դիտմամբ ավտոտնակի տանիքից ցած նետել, ինչի հետևանքով էլ ավտոմեքենան հայտնվել է նման դիրքում։

Հարևանները նշել են, որ տեսախցիկները նկարել են այդ Mercedes-ը։–0-