ԵՐԵՎԱՆ, 19 օգոստոսի. /Նովոստի-Արմենիա/. Շաբաթ՝ օգոստոսի 19-ին, խոշոր ավտովթար է տեղի ունեցել Լոռու մարզում։ ՀՀ ԱԻՆ մամուլի հաղորդագրության համաձայն, ժամը 14:17-ին ահազանգ է ստացվել, որ Լոռու մարզի Այգեհատի գյուղում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Загружается новость ...
"Право"
Պարզվել է, Ստեփանավան-Ալավերդի Հ-35 ավտոճանապարհի 24-րդ կմ-ին բախվել են «Opel Astra» մակնիշի (վարորդ՝ 1982 թ. ծնված Է. Վ.) և «Volkswagen golf» մակնիշի (վարորդ՝ 1987 թ. Մ. Վ.) ավտոմեքենաները:
«Opel Astra» ավտոմեքենայի ուղևորներ՝ Գ. (ծնված 1959 թ.) և Ս. (ծնված 2008 թ.) Վ.-ները տեղում զոհվել են։ Ս. Ս.-ը (ծնված 1963 թ.) հոսպիտալացվել է Ստեփանավանի ԲԿ, ում առողջական վիճակը բժիշկները գնահատել են միջին ծանրության, իսկ Հ. Գ.-ը (ծնված 1987 թ.), Է. (ծնված 1982 թ.) և Է. (ծնված 2013 թ.) Վ.-ները և «Volkswagen golf» մակնիշի ավտոմեքենայի ուղևորներ՝ Մ. Մ.-ը (ծնված 1994 թ.), Ա. (ծնված 2014 թ.) և Մ. (ծնված 1987 թ.) Վ.-ները հոսպիտալացվել են Ալավերդու ԲԿ, որտեղ բժիշկները տուժածներ՝ Մ. Վ.-ի, Հ. Գ.-ի և Մ. Մ.-ի առողջական վիճակը գնահատել են ծանր: Է. Վ.-ի և Ա. Վ.-ի առողջական վիճակը գնահատել են բավարար, իսկ «Opel Astra» մակնիշի ավտոմեքենայի վարորդ՝ Է. Վ.-ը Ալավերդու ԲԿ-ից հոսպիտալացվել է Էրեբունի ԲԿ:
Փրկարարները հոսանքազրկել են ավտոմեքենաները և փակել գազի բալոնի փականները:
Ինչպես հաղորդում է shamshyan.com-ը, փաստի առթիվ հարուցվել է քրեական գործ ՀՀ քր.օր-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ) հատկանիշներով։
Ոստիկանությունն ու քննչական բաժինը պարզում են վարորդների, մահացածների և վիրավորների ինքնությունը։–0–