ԵՐԵՎԱՆ, 17 հունիսի./Նովոստի–Արմենիա/. Երեկ՝ հունիսի 16-ին, մահվան ելքով վրաերթ է տեղի ունեցել Երևանում:
Shamshyan.com–ի հաղորդմամբ, ժամը 23:00-ի սահմաններում, Երևանի բնակիչ, 33-ամյա Վլադիսլավ Մելիքյանն իր վարած Samand մակնիշի ավտոմեքենայով, Արտաշեսյան փողոցում՝ 46 շենքի դիմաց, վրարերթի է ենթարկել մոտ 50 տարեկան տղամարդ հետիոտնին:
Վարորդը փախուստի չի դիմել։ Այդ պահին նշված վայրով անցնող շտապօգնության մեքենան վրաերթի ենթարկվածին տեղափոխել է Էրեբունի» հիվանդանոց, սակայն տղամարդը ճանապարհին մահացել է:
Փաստի առթիվ քննիչ հարուցվել է քրեական գործ ՀՀՔՕ 242 հոդվածի 2-րդ մասի հատկանիշներով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ):–0–