Պատահար որսի ժամանակ. Գետաշենում 48–ամյա տղամարդը քիչ էր մնում սպաներ դաշտում աշխատող 65–ամյա կնոջը

ԵՐԵՎԱՆ, 11 սեպտեմբերի./Նովոստի–Արմենիա/. Արտակարգ պատահար է տեղի ունեցել նախօրեին Գետաշեն գյուղի դաշտերում։

Պարզվել է, որ սեպտեմբերի 10-ին, ժամը 16.50-ի սահմաններում, Նալբանդյան գյուղի 48-ամյա բնակիչը Գետաշեն գյուղի դաշտերում համագյուղացու հետ որսի ընթացքում իր անվամբ գրանցված որսորդական հրացանով կրակելիս անզգուշաբար վնասել է դաշտում աշխատող գետաշենցի 65-ամյա մի կնոջ պարանոցը, կինը բուժօգնության չի դիմել: 

Նշանակվել են դատաձգաբանական և դատաբժշկական փորձաքննություններ:

Նալբանդյան գյուղի բնակիչ երկու տղամարդիկ բաժին են ներկայացրել իրենց անվամբ գրանցված որսորդական հրացանները և տվել խոստովանական բացատրություններ: Նախապատրաստվում են նյութեր:–0–