Opel–ը շրջվել է Իջևան-Նոյեմբերյան ճանապարհին. 3 վիրավորներից մեկի վիճակը ծանր է

ԵՐԵՎԱՆ, 5 հուլիսի./Նովոստի–Արմենիա/. Նախօրեին խոշոր ՃՏՊ է տեղի ունեցել Իջևան-Նոյեմբերյան ավտոճանապարհին։

ՀՀ ԱԻՆ Փրկարար ծառայության հաղորդմամբ, հուլիսի 4-ին, ժամը 17:23-ին «911» ծառայությանն ահազանգ է ստացվել, որ Իջևան-Նոյեմբերյան ավտոճանապարհին տեղի է ունեցել ՃՏՊ, անհրաժեշտ է փրկարարների օգնությունը:

Պարզվել է, որ Ծաղկավան գյուղի սկզբնամասում «Opel Astra J» մակնիշի ավտոմեքենան (Ա.Ա., ծնված 1988 թ.) դուրս է եկել ավտոճանապարհի երթևեկելի հատվածից և շրջվել. կան տուժածներ:

Փրկարարները տուժածներին մոտեցրել են շտապօգնության ավտոմեքենային:

«Վարորդը և ուղևորները (Վ.Դ., 1986 թ. և Հ.Լ., 1988 թ.), հոսպիտալացվել են Իջևանի ԲԿ: Բժիշկները վարորդի առողջական վիճակը գնահատել են ծանր, իսկ երկու ուղևորներինը՝ միջին ծանրության, այնուհետև վարորդը (ուղղաթիռով), իսկ երկու ուղևորները (շտապօգնության ավտոմեքենայով) տեղափոխվել են «Էրեբունի» ԲԿ», – նշվում է գերատեսչության հաղորդագրության մեջ:–0–