Կոտայքի մարզում փոսից 69–ամյա քաղաքացու դի է դուրս բերվել

ԵՐԵՎԱՆ, 5 ապրիլի./Նովոստի–Արմենիա/. Այսօր Կոտայքի մարզի Ակունք գյուղում փոսից 69–ամյա քաղաքացու դի են դուրս բերել։

ՀՀ ԱԻՆ Փրկարար ծառայության հաղորդմամբ, ապրիլի 5-ին, ժամը 11:28-ին 911 ծառայությանն ահազանգ է ստացվել, որ Կոտայքիմարզի Ակունք գյուղի 5-րդ փողոցի տներից մեկի մոտակայքում գտնվող փոսից քաղաքացու դին դուրս բերելու համար անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:

«Փրկարարները փոսից (մոտ 4 մ) դուրս են բերել Բ.Մ.-ի (ծնված 1950թ.) դին», – նշվում է գերատեսչության հաղորդագրության մեջ։–0–