Կապանի կոմբինատներից մեկի հանքում փլուզում է տեղի ունեցել. կա զոհ

ԵՐԵՎԱՆ, 4 մարտի./Նովոստի–Արմենիա/. Այսօր ողբերգական դեպք է տեղի ունեցել Կապանում։

Դեպքի վայր է մեկնել ԱԻՆ ՓԾ մարզային փրկարարական վարչության լեռնափրկարարական ջոկատից մեկ մարտական հաշվարկ։

«Պարզվել է, որ կոմբինատի հանք իջանցքի 845-րդ հորիզոնականը փլուզվել և իջել է (մոտ 15 մ)։ Ա․ Ս․-ն (ծնված 1996 թ.) տեղում մահացել է։ Լեռնափրկարարները Ա․ Ս․-ի դին դուրս են բերել հանքից և տեղափոխել Կապանի ԲԿ», – նշվում է գերատեսչության հաղորդագրության մեջ:–0–