539.06
7.43
478.4
+22
Եղանակը Երևանում
Հայ

Իսկական սերիալ. Երևանում 19–ամյա ուսանողուհին բեմադրել է իր և եղբոր 3–ամյա դստեր առևանգումը` ծնողներից պահանջելով 1մլն դրամ

11:39
06 Հունիսի 2019

ԵՐԵՎԱՆ, 6 հունիսի./Նովոստի–Արմենիա/. ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնում իրականացված քննչական գործողությունների արդյունքում պարզվել են ուսանողուհու կողմից իրեն և եղբոր երեքամյա դստերն առևանգումից ազատելու համար որպես փրկագին 1.000.000 ՀՀ դրամ պահանջելու պատրվակով խաբեությամբ ազգականներից հափշտակություն, ինչպես նաև՝ սուտ մատնություն կատարելու դեպքի մի շարք հանգամանքներ, հաղորդում է ՀՀ ՔԿ մամուլի ծառայությունը:

Երևան քաղաքի բնակչուհին՝ ծնված 1999 թվականին, ՀՀ ոստիկանության Կենտրոնականի բաժնում հաղորդում է տվել այն մասին, որ անհայտ անձը 2019 թվականի մայիսի 8-ին դանակի սպառնալիքներով Երևան քաղաքի Արցախի փողոցի շենքերից մեկի մուտքում հանելով իր բլուզը, կիսամերկ վիճակում նկարել է իրեն, ապա ճշտել համացանցում ունեցած իր կայքերի գաղտնաբառերը և իր կիսամերկ լուսանկարները հրապարակելու ու իր հարազատներին վնասելու սպառնալիքով հարկադրել է վերցնել եղբոր երեքամյա դստերն ու դուրս գալ տնից, ում պահանջը կատարելով եղբոր դստեր հետ միասին գնացել է այգի։

Ըստ 19-ամյա ուսանողուհու հաղորդման՝ այգում գտնվելու ընթացքում, իբր հեռախոսով հետևել է, թե ինչպես է անհայտ անձը «Ֆեյսբուք» սոցիալական ցանցի՝ իրեն պատկանող «մեսենջեր» հավելվածի միջոցով իր անունից նամակագրություն վարել մոր և եղբոր հետ, վերջիններիս տեղեկացրել իրենց առևանգման մասին և որպես ազատման փրկագին պահանջել 1.000.000 ՀՀ դրամ` սպառնալով, որ գումարը չտալու դեպքում այլևս չեն տեսնի իրենց:

Աղջիկը միաժամանակ նշել է, որ իրեն ահաբեկած անձի պահանջով, իր հարազատների կողմից IDram վճարային համակարգով իր հաշվեհամարին ուղարկված գումարից կանխիկացրել է 600.000 ՀՀ դրամ և այն թողել նշված անձի մատնանշած տաքսի ավտոմեքենայում, ապա եղբոր դստեր հետ միասին վերադարձել տուն:

Քննչական գործողությունների և Ոստիկանության հետ համատեղ իրականացված միջոցառումների արդյունքում պարզվել են մի շարք հանգամանքներ:

Մասնավորապես՝ պարզվել է, որ 19-ամյա աղջկա կողմից ներկայացված հաղորդման մեջ մատնանշված հանգամանքներն իրականությանը չեն համապատասխանում:

Միաժամանակ պարզվել է նաև, որ խաբեությամբ, ձևացնելով անհայտ անձի կողմից իր և եղբոր դստեր առևանգումը, ծնողներից և եղբորից աղջիկը պահանջել և խարդախությամբ հափշտակել է գումար:

Դեպքի առթիվ 2019 թվականի մայիսի 27-ին ՀՀ ոստիկանության Էրեբունու բաժնում հարուցվել է քրեական գործ՝ ՀՀ քրեական օրենսգրքի 178-րդ հոդվածի 2-րդ մասի 2-րդ կետով (խարդախությունը) և 333-րդ հոդվածի 1-ին մասով (սուտ մատնությունը), որը նախաքննություն կատարելու նպատակով ուղարկվել է ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժին և 30.05.2019թ. ընդունվել վարույթ:

«Քննությամբ ձեռք բերված տվյալների համաձայն՝ 3-րդ կուրսի ուսանողուհին, ակնկալելով բարելավել ընտանիքի ֆինանսական վիճակը, գտնվելով հեռուստասերիալի ազդեցության ներքո, որում ինչ-որ մեկին առևանգել են և պահանջել փրկագին, որոշել է նման բան կազմակերպել, որպեսզի ծնողները դիմեն որևէ մեկին՝ պարտքով գումար տալու խնդրով, իսկ այն ստանալուց հետո, գումարը տրամադրել ծնողներին՝ բացատրելով, որ անցել է աշխատանքի», – նշվում է գերատեսչության հաղորդագրության մեջ։

Այդ նպատակով 2019 թվականի մայիսի 17-ին, եղբոր երեքամյա դստեր հետ զբոսնելու պատրվակով դուրս է եկել տնից, ապա իր անձնական կայք-էջից, այլ անձի անունից կապ է հաստատել մոր և եղբոր հետ՝ հայտնելով, որ իրենց առևանգել են և ներկայացրել է պահանջ՝ 1.000.000 ՀՀ դրամ գումար իր հաշվեհամարին փոխանցելու վերաբերյալ՝ սպառնալով, որ ոստիկանություն դիմելու և գումարը չփոխանցելու դեպքում իրենց այլևս չեն տեսնի:

Երեխայի հայրը՝ 19-ամյա ուսանողուհու եղբայրը, սպառնալիքները որպես իրական ընդունելով, կնոջ մորաքրոջից պարտքով գումար է վերցրել և նույն օրը, պահանջը ներկայացնելուց երեք ժամվա ընթացքում, IDram վճարային համակարգի միջոցով, սպառնալիքների հեղինակի մատնանշած, վերջինիս անվամբ բացված հաշվեհամարին է փոխանցել 820.000 ՀՀ դրամ գումար։

Այնուհետև, համոզվելով գումարի փոխանցման մասին, աղջիկը կանխիկացրել է 600.000 ՀՀ դրամը և վերադարձել տուն`պնդելով առևանգման մասին։

Մի քանի օր անց, տեղեկանելով, որ մայրը ոսկեղենն է գրավադրել՝ պարտքով վերցված գումարը վերադարձնելու նպատակով, պատմել է ողջ եղելությունը, մորը տվել 600.000 ՀՀ դրամն ու նրա հետ միասին կանխիկացրել հաշվեհամարին մնացած 220.000 ՀՀ դրամը:

Կատարվածի վերաբերյալ 19-ամյա աղջիկը տվել է խոստովանական ցուցմունք:

Նախաքննությունը շարունակվում է։–0–

Թեմատիկ նյութեր
Բաժնի այլ նյութեր
18:14
15 Հունիսի 2019
Խոշոր հրդեհ է բռնկվել Երևանի հեռուստաաշտարակի մոտ
Խոշոր հրդեհ է բռնկվել շաբաթ օրը Սարի թաղում:
14:21
15 Հունիսի 2019
Վրաերթ Երևանում. 2 երեխա հոսպիտալացվել է
Նախօրեին՝ հունիսի 14-ին, վրաերթ է տեղի ունեցել Երևանում:
12:59
15 Հունիսի 2019
Հրդեհ է բռնկվել Քանաքեռ ՀԷԿ-ում (ՎԻԴԵՈ)
Հրդեհ է բռնկվել Քանաքեռ ՀԷԿ-ում։
20:53
14 Հունիսի 2019
36–ամյա տղամարդը որոնվում է որպես անհետ կորած
36–ամյա Արմեն Հարությունյանը որոնվում է որպես անհետ կորած։
17:43
14 Հունիսի 2019
Իրանից Հայաստան եկած երիտասարդների մոտ թմրամիջոցներ են հայտնաբերվել (ՎԻԴԵՈ)
Իրանից Հայաստան եկած երիտասարդների մոտ թմրամիջոցներ են հայտնաբերվել:
15:53
14 Հունիսի 2019
Ընտանեկան «հաշիվներ». Արցախում 7–ամյա աղջիկը դանակահարել է կրտսեր քրոջը
Արտակարգ պատահար է տեղի ունեցել արցախյան գյուղերից մեկում։
15:52
14 Հունիսի 2019
Քաղաքացին ուրիշի քարտով կատարել է կանխիկացում` պատճառելով 771.000 դրամի վնաս (ՎԻԴԵՈ)
Քաղաքացին ուրիշի քարտով կատարել է կանխիկացում`  պատճառելով 771.000 դրամի վնաս:
15:25
14 Հունիսի 2019
Պատուհաս բակում. տղամարդը փորձել է կրակել առնետին, բայց ինքն իրեն վնասվածք է հասցրել
Նախօրեին տարօրինակ դեպք է տեղի ունեցել Կոտայքի մարզում։
12:40
14 Հունիսի 2019
Երևանում մահվան ելքով ավտովթար է տեղի ունեցել միկրոավտոբուսի մասնակցությամբ (ՖՈՏՈ)
Նախօրեին՝ հունիսի 13-ին, մահվան ելքով վրաերթ է տեղի ունեցել Երևանում:
10:31
14 Հունիսի 2019
Երկրաշարժ է տեղի ունեցել Դիլիջանից ոչ հեռու
Հունիսի 14-ին, տեղական ժամանակով ժամը 03:29-ին երկրաշարժ է գրանցվել Տավուշի մարզում։
23:03
13 Հունիսի 2019
Մատենադարանի մոտակայքում հրդեհ է բռնկվել. մեկ մարդ ստացել է ծանր այրվածքներ (ՎԻԴԵՈ)
Արտակարգ դեպք է տեղի ունեցել հինգշաբթի Երևանում:
17:29
13 Հունիսի 2019
Հետախուզում է հայտարարվել Երևանում տաքսու վարորդի սպանության մեջ կասկածվող տղամարդու նկատմամբ (ՖՈՏՈ)
Հետախուզում է հայտարարվել Երևանում տաքսու վարորդի սպանության մեջ կասկածվող տղամարդու նկատմամբ: