ԵՐԵՎԱՆ, 27 հունվարի./Նովոստի–Արմենիա/. Իրանի մայրաքաղաք Թեհրանում հարձակում է իրականացվել Ադրբեջանի դեսպանատան վրա, սպանվել է դիվանագիտական առաքելության անվտանգության ծառայության ղեկավարը։
Հարձակումը տեղի է ունեցել առավոտյան ժամը 08:30-ի սահմաններում, հարձակվողը զինված է եղել «Կալաշնիկով» ինքնաձիգով։
«Հարձակումը կանխելիս վիրավորվել են նաև դեսպանատան անվտանգության երկու աշխատակիցներ։ Նրանց վիճակը բավարար է»,- հայտնում է
ՌԲԿ-ն՝ հղում անելով Ադրբեջանի ԱԳՆ-ին:
Սպանվածն Օրհան Ասկերով է, նա ղեկավարել է Իրանում Ադրբեջանի դեսպանատան անվտանգության ծառայությունը, հայտնում է Trend-ը։ Հարձակվողը ձերբակալվել է, APA լրատվական գործակալությունը հաղորդել է «դիվանագիտական խողովակներով» ստացված տվյալները։-0-