Իջևանում 12 տարեկան երեխա է մահացել սննդային թունավորումից, կան հոսպիտալացվածներ

ԵՐԵՎԱՆ, 20 ապրիլի./Նովոստի–Արմենիա/. Իջևանում սննդային թունավորումից 12 տարեկան երեխա է մահացել։

ՀՀ ԱԻՆ Փրկարար ծառայության հաղորդմամբ, ապրիլի 20-ին, ժամը 09։26-ին Ճգնաժամային կառավարման ազգային կենտրոն տեղեկություն է ստացվել, որ ապրիլի 19-ին, ժամը 22:26-ին նախնական սննդային թունավորում ախտորոշմամբ Տավուշի մարզի Իջևան քաղաքի ԲԿ են տեղափոխվել Գետահովիտ գյուղի բնակիչներ Ս․ Հ․-ն (ծնված 1980 թ.), Ա․ Հ․-ն (ծնված 1980 թ.), Ս․ Ա․-ն (ծնված 2007 թ.) և Ս․ Հ․-ն (ծնված 2009 թ.):

«Ս․ Հ․-ն (ծնված 2009 թ.) Իջևան քաղաքի ԲԿ-ում մահացել է։ Ս․ Հ․-ն և Ա․ Հ․-ն տեղափոխվել են Երևան քաղաքի «Հերացի» թիվ 1 հիվանդանոցային համալիր, իսկ Ս․ Ա․-ն (ծնված 2007 թ.) տեղափոխվել՝ «Մուրացան» ԲԿ», – նշվում է գերատեսչության հաղորդագրության մեջ:–0–