ԵՐԵՎԱՆ, 14 հուլիսի./Նովոստի–Արմենիա/. Ծիծեռնակաբերդի մոտ բռնկված խոշոր հրդեհի մարման աշխատանքներին մասնակցում է 4 ջրատար և 59 փրկարար. աշխատանքները ղեկավարում է ԱԻ նախարար Ֆելիքս Ցոլակյանը։
ՀՀ ԱԻՆ Փրկարար ծառայության հաղորդմամբ, հուլիսի 14-ին, ժամը 20:24-ին «911» ծառայությանն ահազանգ է ստացվել, որ հրդեհ է բռնկվել Երևան քաղաքի Ծիծեռնակաբերդի հուշահամալիրի մոտակայքում. այրվում է խոտածածկ տարածք:
Հրդեհի բարդության «1 ԲԻՍ» կանչով դեպքի վայր է մեկնել ԱԻՆ ՓԾ հրշեջ-փրկարարական ջոկատից վեց մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը:
Ժամը 21:23-ին հրդեհի բարդության «թիվ 2 կանչով» դեպքի վայր է մեկնել ԱԻՆ ՓԾ հրշեջ-փրկարարական ջոկատից ևս երկու մարտական հաշվարկ, հատուկ նշանակության փրկարարական աշխատանքների իրականացման կենտրոնի փրկարարական ջոկատը և Աղետների բժշկության կենտրոնի հերթապահ բժիշկը:–0–
