Արտակարգ դեպք Վայոց Ձորի դպրոցներից մեկում. ահազանգ է ստացվել, որ դպրոցում ռումբ է տեղադրված, կան դանակահարված անձինք

ԵՐԵՎԱՆ, 19 ապրիլի./Նովոստի–Արմենիա/. Այսօր` ապրիլի 19-ին, արտակարգ դեպք է տեղի ունեցել Վայց Ձորի մարզում։

Shamshyan.com–ի հաղորդմամբ, ժամը 12։40-ի սահմաններում ոստիկանության Եղեգնաձորի բաժին ահազանգ է ստացվել, որ Վերնաշեն գյուղի միջնակարգ դպրոցում ռումբ է դրված և կան դանակահարված անձինք։

Ոստիկաններն ու հրշեջ-փրկարարները դպրոցի աշխատակիցների հետ տարհանել են աշակերտներին և տեղում կատարում են հետախուզական աշխատանքներ։

Ոստիկանները տաք հետքերով պարզել են, որ դանակահարված քաղաքացիներ չկան, ահազանգը չի համապատասխանում իրականությանը, իսկ ռումբի պահով՝ փրակարարները շարունակում են որոնողական աշխատանքներ։

Կայքի տեղեկություններով՝ ոստիկանները հայտնաբերել են ահազանգողին։ 

Փաստի առթիվ նյութեր են նախապատրաստվում։