Անգամ բնակիչներն են տարհանվել. հրշեջները մոտ 2 ժամ պայքարել են Աբովյանի շենքերից մեկում բռնկված հրդեհի դեմ

ԵՐԵՎԱՆ, 10 հուլիսի./Նովոստի–Արմենիա/. Նախօրեին երեկոյան խոշոր հրդեհ էր բռնկվել Աբովյան քաղաքի շենքերից մեկի բնակարանում։

Ինչպես հաղորդել էինք ավելի վաղ, հուլիսի 9-ին, ժամը 19:45-ին «911» ծառայությանն ահազանգ է ստացվել, որ Կոտայքի մարզի Աբովյան քաղաքի Հանրապետության փողոցի թիվ 20 շենքի 1-ին մուտքի 9-րդ հարկում հրդեհ է բռնկվել:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երեք մարտական հաշվարկ, մեկ ավտոսանդուղք և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:

ՀՀ ԱԻՆ Փրկարար ծառայության հաղորդմամբ, փրկարարները տարհանել են բնակիչներին:

Հրդեհը մեկուսացվել է ժամը 20:59-ին, մարվել՝ 22:20-ին: Այրվել է Ռ.Չ.-ին պատկանող բնակարանը (մոտ 60 քմ)՝ գույքով:–0–