ԵՐԵՎԱՆ, 18 մայիսի./Նովոստի–Արմենիա/. Մի քանի մարդ տուժել է կիրակի Վրաստանի Դմանիսի քաղաքում տեղի ունեցած զանգվածային ծեծկռտուքի ժամանակ, հաղորդում է
«Նովոստի–Գրուզիան»` հղում անելով «Մթավարի» հեռուստաալիքին։
Ծեծկռտուքին մասնակցել է մոտ երեք տասնյակ մարդ, որոնցից շատերը զինված են եղել բեյսբոլի բիտաներով, փայտերով և մահակներով։ Նշվում է, որ ծեծկռտուքից առաջ եղել է վեճ Դմանիսիի բնակիչների` Սվանեթիի էկո–միգրանտների և էթնիկ ադրբեջանցիների միջև։
Իրավիճակը սրվել է երեկոյան։ Առևտրային կետը, որի կողքը սկսվել է ծեծկռտուքը, ջարդուփշուր է եղել։
«Մթավարիի» տվյալներով, դիմակայությունը շարունակվում է չնայած «պարեկային ժամին»։ Դեպքի վայր են ժամանել պարեկային ոստիկանության մեքենաները։
Ծեծկռտուքի մանրամասները ճշտվում են։ Վրաստանի ՆԳՆ–ն դեռ հանդես չի եկել պատոնական մեկնաբանությամբ։–0–