Աբովյանում բախվել են Hyundai–ն ու ՎԱԶ–2104–ը. վարորդներից մեկն արգելափակվել է մեքենայում (ՖՈՏՈ)

ԵՐԵՎԱՆ, 17 սեպտեմբերի./Նովոստի–Արմենիա/. Աբովյան քաղաքում այսօր ցերեկը տեղի է ունեցել խոշոր ավտովթար։

ՀՀ ԱԻՆ Փրկարար ծառայության հաղորդմամբ, սեպտեմբերի 17-ին, ժամը 14:30-ին «911» ծառայություն տեղեկություն է հաղորդվել, որ Կոտայքի մարզի Աբովյան քաղաքի Բարեկամության փողոցում տեղի է ունեցել ՃՏՊ, կա արգելափակված քաղաքացի, անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Պարզվել է, որ բախվել են «Hyundai Sonata» (վարորդի տվյալները չի հաջողվել պարզել) և «ՎԱԶ-2104» (վարորդի տվյալները չի հաջողվել պարզել) մակնիշների ավտոմեքենաները:

«ՎԱԶ-2104» մակնիշի ավտոմեքենան շրջվել է, իսկ վարորդն արգելափակվել է ավտոմեքենայում:

Փրկարարները «ՎԱԶ-2104» մակնիշի ավտոմեքենայի վարորդին դուրս են բերել արգելափակումից և մոտեցրել շտապօգնության ավտոմեքենային:

Վարորդները հոսպիտալացվել են Աբովյանի ԲԿ, որտեղ բժիշկները «ՎԱԶ-2104» մակնիշի ավտոմեքենայի վարորդի առողջական վիճակը գնահատել են ծանր, իսկ «Hyundai Sonata» մակնիշի ավտոմեքենայի վարորդինը՝ բավարար: 

Փրկարարները հոսանքազրկել են ավտոմեքենաները և փակել գազի բալոնների փականները:–0–