69-ամյա տղամարդը որոնվում է որպես անհետ կորած

ԵՐԵՎԱՆ, 23 ապրիլի. /Նովոստի-Արմենիա/. Ոստիկանության Մասիսի բաժնի կողմից որպես անհետ կորած որոնվում է Մասիս քաղաքի բնակիչ, 1948 թ.-ին ծնված Հարություն Ֆայադի Ազատյանը:

Ինչպես հաղորդում է shamshyan.com կայքը, տղամարդը ապրիլի 21-ին՝ ժամը 14-ի սահմանում, իր «Opel Astra G» մակնիշի ավտոմեքենայով դուրս է եկել տանից և չի վերադարձել:

«Ովքեր որևէ տեղեկություն ունեն Հարություն Ազատյանի գտնվելու վայրի մասին խնդրում ենք դիմել ոստիկանության Մասիսի կամ մոտակա բաժին կամ զանգահարել 1-02, 010-59-06-25, 0236 4 02 02, 093 28 63 63 հեռախոսահամարներով», - նշվում է ոստիկանության հաղորդագրության մեջ: -0-