ԵՐԵՎԱՆ, 13 հոկտեմբերի. /Նովոստի–Արմենիա/. Նախօրեի երեկոյան հրդեհ է բռնկվել Վանաձոր քաղաքում գտնվող առանձնատաներից մեկում։
Դեպքի վայր մեկնած փրկարարները Աղայան փողոցի այրվող տնից դուրս են բերել 2013թ. ծնված երեխայի դի՝ մասնակի այրված վիճակում:
Ինչպես հայտնում է Հայաստանի քննչական կոմիտեի մամուլի ծառայությունը, նախնական տվյալներով, հրդեհի բռնկման ժամանակ մանկահասակ Էմիլ Խաչատյանը տանը մենակ է եղել։ Մայրը մյուս երեք երեխաների հետ տանից բացակայել է: Shamshyan.com–ի հաղորդմամբ, երեխայի մայրը պարբերաբար 4 տարեկան երեխային տանը մենակ թողել:
Կատարվել է դեպքի վայրի զննություն, անհետաձգելի դատավարական այլ գործողություններ:
ՀՀ քննչական կոմիտեի Լոռու մարզային քննչական վարչությունում նույն օրը հարուցվել է քրեական գործ՝ ՀՀ քրեական օրենսգրքի 109-րդ հոդվածի 1-ին մասով` անզգուշությամբ մահ պատճառելը: Նշանակվել է դիակի դատաբժշկական փորձաքննություն:
Загружается новость ...
"Право"
Ձեռնարկվում են անհրաժեշտ միջոցառումներ՝ հրդեհի առաջացման պատճառները, երեխայի մահվան հանգամանքները պարզելու ուղղությամբ: -0-
