ԵՐԵՎԱՆ, 18 հոկտեմբերի. /Նովոստի–Արմենիա/. Այսօր՝ հոկտեմբերի 18-ին, Երևանի Հանրապետության հրապարակում Գեղարքունիքի մարզի Վարդենիս քաղաքի բնակիչ 40-ամյա Արմեն Երանոսյանը, դիմելով ծայրահեղ քայլի, հայտարարել է հացադուլ և կարել շրթունքները:
Shamshyan.com կայքի հաղորդմամբ, այդ քայլին գնալու պատճառն այն է, որ նրան աշխատանքից ազատել են Վարդենիսի ոսկու հանքում:
Կայքի հետ զրույցում նա ասաց. «Վարկ եմ վերցրել, անասուն եմ առել, տուն եմ սարքում, վերանորոգում եմ: Ասում եք, թողեք, եկեք Ռուսաստանից… եկել ենք: Հորս տարելիցին` իրիկուն ժամը 6-ին, երբ գործիս մնացել էր 2 ժամ, ինձ բռնել են, ասում են, որ խմած եմ, ալկոհոլ եմ օգտագործել»։
«Ես իմ բոլոր պարտականությունները կատարել եմ: Հացադուլի եմ նստելու, մինչև իմ հարցին լուծում չտան», – մասնավորապես նշել է Երանոսյանը։ –0–