36–ամյա քաղաքացի է կորել Շիրակում. ենթադրվում է, որ նա ջրահեղձ է եղել

ԵՐԵՎԱՆ, 24 հուլիսի. /Նովոստի–Արմենիա/. Այս գիշեր Շիրակի մարզում 36–ամյա քաղաքացի է կորել։

Հուլիսի 24-ին, ժամը 00:17-ին տեղեկություն է ստացվել, որ 1981 թ. ծնված Կ. Գ.-ը մեկնել է Շիրակի մարզի Կառնուտի ջրամբար և չի վերադարձել, կասկածվում է, որ նա ջրահեղձվել է, անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ և Մարզային ճգնաժամային կառավարման կենտրոնի օպերատիվ խումբը:

Ժամը 03:03-ին մթության պատճառով և եղանակային պայմաններից ելնելով որոնողափրկարարական աշխատանքները դադարեցվել են. կվերսկսվեն առավոտյան:

Ժամը 10:40-ին վերսկսվել են որոնողական աշխատանքները:

Դեպքի վար է մեկնել հատուկ ջրափրկարարական ջոկատը:

Կտրվի լրացուցիչ տեղեկություն:-0-