31–ամյա տղամարդը մտել է «Էրեբունի» ԲԿ–ի աշխատակիցների մեկի աշխատասենյակն ու գողացել բջջայինը (ՎԻԴԵՈ)
21:15
16 Հուլիսի 2019
ԵՐԵՎԱՆ, 16 հուլիսի./Նովոստի–Արմենիա/. Հուլիսի 9-ին «Էրեբունի» բժշկական կենտրոնում գողության դեպք է արձանագրվել։
ՀՀ ոստիկանության հաղորդմամբ, մի տղամարդ մտել է հիվանդանոց աշխատակիցներից մեկի աշխատասենյակ ու հափշտակել նրա բջջային հեռախոսը՝ պատճառելով շուրջ 400․000 դրամի վնաս։
«Ոստիկանության Էրեբունու բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է հանցագործությունը կատարելու մեջ կասկածվողի ինքնությունը։ Բացատրական աշխատանքի շնորհիվ Երևանի բնակիչ 31-ամյա տղամարդը հուլիսի 14-ին ներկայացել է ոստիկանության Էրեբունու բաժին ու տեց խոստովանական բացատրություն», – նշվում է գերատեսչության հաղորդագրության մեջ։
Գողոնը հայտնաբերելու միջոցառումները շարունակվում են, դեպքի հանգամանքներն էլ՝ քննությամբ պարզվում։–0–
