17–ամյա աղջիկն ինքնասպանության փորձ է կատարել Երևանում

ԵՐԵՎԱՆ, 16 մայիսի. /Նովոստի–Արմենիա/. Երիտասարդ աղջիկը փորձել է ինքնասպանություն գործել Երևանում, հայտնում է Հայաստանի ԱԻՆ մամուլի ծառայությունը։

Ըստ հաղորդագրության, մայիսի 16-ին, ժամը 11.55-ին ահազանգ է ստացվել, որ Երևանի Դավիթաշենի կամրջից քաղաքացին փորձում է ինքնասպան լինել, և անհրաժեշտ է փրկարարների օգնությունը:

Դեպքի վայր է մեկնել ճգնաժամային կառավարման ազգային կենտրոնի օպերատիվ խումբը:

Պարզվել է, որ դեռևս անձը չպարզված 17-ամյա աղջիկը փորձել է ինքնասպանություն գործել՝ նետվելով կամրջից, ինչը կանխել են տեղում հերթապահություն իրականացնող ոստիկանության աշխատակիցները:

Փրկարար ծառայության հոգեբանն աղջկա հետ անցկացրել է հոգեբանական զրույց: --0-