ԵՐԵՎԱՆ, 6 սեպտեմբերի. /Նովոստի–Արմենիա/. Ներկայացվել են Երևանի մետրոպոլիտենի աշխատակցի մահվան հանգամանքները։
ՀՀ ոստիկանության մամուլի ծառայության հաղորդմամբ, սեպտեմբերի 6-ին ժամը 00.53-ին շտապօգնության ենթակայանից ոստիկանության մետրոպոլիտենի պահպանության բաժին հաղորդում է ստացվել, որ Կ.Դեմիրճյանի անվան մետրոպոլիտենի «Գործարանային» կայարանից դեպի «Սասունցի Դավիթ» կայարան տանող բաց տարածքի 44-րդ միջնամասում՝ գծերի վրա, մահացած մարդ կա:
Загружается новость ... "Лево"
«Մեկնած օպերատիվ խումբը պարզել է, որ նույն օրը ժամը 00.15-ին մետրոպոլիտենի նշված տարածքում հերթական գիշերային պլանային գծային աշխատանքներ իրականացնելու ժամանա, մետրոպոլիտենի տնտեսական գնացքի մեքենավարը վրաերթի է ենթարկել 1979 թ. ծնված Հովհաննես Ավետիսյանին, ինչի հետևանքով Ավետիսյանը մահացել է», – նշվում է ոստիկանության հաղորդագրության մեջ։
Նշանակվել է դատաբժշկական փորձաքննություն, կատարվում է նախաքննություն:–0–