Ողբերգական դեպք Երևանում. բնակելի շենքի նկուղում հայտնաբերվել է 41-ամյա տղամարդու դի

ԵՐԵՎԱՆ, 15 հոկտեմբերի. /Նովոստի–Արմենիա/. Նախօրեին՝ հոկտեմբերի 14-ին, ողբերգական դեպք է տեղի ունեցել Երևանում:

Ժամը 18:00-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել 1-03 շտապօգնւթյան կայանից, ովքեր հայտնել են, որ հերթապահ խումբը կանչով մեկնել է Լեփսիուսի փողոցի թիվ 5-րդ շենք, որտեղ նկուղում հայտնաբերել են տղամարդու դի, հաղորդում է shamshyan.com–ը։

Քննիչի կողմից փաստի առթիվ նյութեր են նախապատրաստվում:

Կայքի հաղորդմամբ, ոստիկաններն ու քննիչները պարզել են, որ մահացածը Երևան քաղաքի Արագածի փողոցի բնակիչ, 41-ամյա Վարդան Ղարիբյանն էր, ով, ըստ դատաբժշկի նախնական եզրակացության, հանկարծամահ է եղել:

Ավագ քննիչ Ն. Մկրտչյանի կողմից նշանակվել են մի շարք փորձաքննություններ ՝ պարզելու Վ. Ղարիբյանի մահվան հանգամանքները:

Կայքի հաղորդմամբ, դեպքի վայրում հավաքվածները ասում էին, որ կեսօրին մահացածի ինքնազգացողությունը վատացել է և շենքի բնակիչներից Սարգիսը փորձել է օգնություն ցուցաբերել նրան և ահազանգել է շտապօգնություն ու մինչ կժամաներ շտապօգնությունը՝ տղամարդը մահացել է:–0–