ԵՐԵՎԱՆ, 16 մայիսի. /Նովոստի-Արմենիա/. Նախօրեին՝ մայիսի 15-ին, ողբերգական ավտովթար է տեղի ունեցել Տավուշի մարզում:
Ինչպես հայտնում է shamshyan.com-ը, ժամը 17:00-ի սահմաններում Հաղարծին գյուղի բնակիչ՝ 35-ամյա Գեղամ Գուլինյանը իր վարած Ուազ մակնիշի ավտոմեքենայով Հաղարծին գյուղի 2-րդ փողոցում, ըստ նախնական տեղեկությունների, կորցնելով ավտոմեքենայի ինքնակառավարումը, դուրս է եկել ճանապարհի երթևեկելի գոտուց, բախվել ճամփեզրի քարերին ու կողաշրջվել:
Վթարի հետեւանքով ավտոմեքենայի ուղևոր՝ վարորդի համագյուղացի, 67-ամյա Մարիցա Գուլինյանը մարմնական վնասվածքներով տեղափոխվել է «Դիլիջան» բժշկական կենտրոն:, որտեղ գիտակցության չգալով՝ մահացել է:
Ոստիկաններն ու քննիչները պարզել են, որ իրականում ավտոմեքենան վարել է ոչ թե Գ. Գուլինյանը, այլ Հաղարծին գյուղի բնակիչ՝ 69-ամյա Գրիշա Գուլինյանը, իսկ Գ. Գուլինյանը եղել է ուղևորը: Փաստի առթիվ հարուցվել է քրեական գործ՝ ՀՀ քր. օր.-ի 242 հոդվածի 2-րդ մասի հատկանիշներով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ):-0-