ԵՐԵՎԱՆ, 19 հունիսի./Նովոստի–Արմենիա/. Օձերը, կարծես, չեն պատրաստվում նահանջել։ Հայաստանում 1 օրում հայտնաբերվել է 3 իժ, 1 գյուրզա և 1 շահմար տեսակի օձեր։
ՀՀ ԱԻՆ Փրկարար ծառայության հաղորդմամբ, հունիսի 18-ին, ժամը 18:02-ին ահազանգ է ստացվել, որ Երևան քաղաքի Սիլիկյան թաղամասի 6-րդ փողոցի տներից մեկի հյուրասենյակում նկատվել է օձ։ Փրկարարները բռնել են իժ տեսակի օձ և տեղափոխել անվտանգ տարածք:
Նույն օրը ժամը 17:57-ին ահազանգ է ստացվել, որ Արարատի մարզի Դիմիտրով գյուղի Գարեգին Նժդեհի փողոցի տներից մեկի բակում օձ է նկատվել, որին բռնելու և անվտանգ տարածք տեղափոխելու համար անհրաժեշտ է փրկարարաների օգնությունը: Դեպքի վայր է մեկնել հրշեջ-փրկարարական ջոկատի օպերատիվ խումբը: Փրկարարները հայտնաբերել են իժ տեսակի օձ և տեղափոխել անվտանգ տարածք:
Загружается новость ... "Лево"
Հունիսի 18-ին, ժամը 16:28-ին ահազանգ է ստացվել, որ Կոտայքի մարզի Զովունի գյուղի 3-րդ փողոցի տներից մեկի բակում նկատվել է օձ, փրկարարները հայտնաբերել են իժ տեսակի օձ և տեղափոխել անվտանգ տարածք:
Կրկին հունիսի 18-ին ժամը 15:44-ին ահազանգ է ստացվել, որ Երևան քաղաքի Վահագնի թաղամասի Սիփանի փողոցի տներից մեկի բակում նկատվել է օձ։ Փրկարարները բռնել են գյուրզա տեսակի օձ և տեղափոխել անվտանգ տարածք:
Նույն օրը ժամը 09։24-ին ահազանգ է ստացվել, որ Երևան քաղաքի Էրեբունու և Ազատամարտիկների փողոցների խաչմերուկում՝ «Նոր Արեշ» պոլիկլինիկայի մոտ կայանած ավտոմեքենայի մեջ, նկատվել է օձ։ Փրկարարները բռնել են շահմար տեսակի օձ և տեղափոխել անվտանգ տարածք:–0–