ԵՐԵՎԱՆ, 27 հուլիսի. /Նովոստի-Արմենիա/. Տավուշի մարզում մարտական հերթապահություն իրականացնող ՀՀ ԶՈՒ պայմանագրային զինծառայողը հրազենային վիրավորում է ստացել:
Ինչպես հայտնում է ՀՀ պաշտպանության նախարարությունը, ս.թ. հուլիսի 27-ին, ժամը 11.00-ի սահմաններում, ՀՀ պետական սահմանի հյուսիսարևելյան հատվածում` Տավուշի մարզում, արձանագրվել է հակառակորդի կողմից հրադադարի խախտման հերթական դեպքը, ինչի արդյունքում հրազենային վիրավորում է ստացել մարտական հերթապահություն իրականացնող ՀՀ ԶՈՒ պայմանագրային զինծառայող: Վիրավոր զինծառայողի կյանքին վտանգ չի սպառնում:
Ադրբեջանական կողմի ձեռնարկած հերթական սադրիչ գործողությունը ևս մեկ անգամ փաստում է, որ հակառակորդը շարունակում է բացահայտ կերպով խախտել հրադադարի պահպանման ռեժիմը և նպատակաուղղված շարունակում է սրել իրավիճակը սահմանագոտում: «Իրավիճակի լարման ամբողջ պատասխանատվությունը կրում է ադրբեջանական կողմը», - նշվում է տարածած հաղորդագրությունում:-0-
