ԵՐԵՎԱՆ, 1 հոկտեմբերի. /Նովոստի–Արմենիա/. Նախօրեին՝ սեպտեմբերի 30-ին, խոշոր ու ողբերգական ավտովթար է տեղի ունեցել Շիրակի մարզում:
Ինչպես հայտնում է shamshyan.com–ը, ժամը 20:00-ի սահմաններում, Աշոցք գյուղի վարչական տարածքում բախվել են Kia մակնիշի և ԳԱԶ-5312 մակնիշի ավտոմեքենաները:
Բախման հետևանքով ԳԱԶ-ը կողաշրջվել է, իսկ ուղևորն ու վարորդը մարմնական վնասվածքներով տեղափոխվել են Աշոցք բժշկական կենտրոն, որտեղ ուղևորը գիտակցության չգալով մահացել է:
Ոստիկանությունն ու քննչական բաժինը պարզում են վարորդների և վիրավորի ինքնությունը: Ըստ աղբյուրի, Kia-ն հաշվառված է Աշոցքի բնակիչ, 32-ամյա Գաբրիել Պետրոսյանի անվամբ, իսկ ԳԱԶ-ը՝ «Իգիթ» ՍՊԸ-ի հաշվեկշռում:–0–