Շղթայական ավտովթար Գյումրիում` պատգամավորների մեքենաների մասնակցությամբ

ԵՐԵՎԱՆ, 3 հոկտեմբերի. /Նովոստի–Արմենիա/. Նախօրեին՝ հոկտեմբերի 2-ին, շղթայական ավտովթար է տեղի ունեցել Շիրակի մարզում։

Shamshyan.com կայքի հաղորդմամբ, ժամը 23։10-ի սահմաններում Գյումրի քաղաքի Գարեգին Նժդեհ և Շարա Տալյան փողոցների խաչմերուկում BMW X5 մակնիշի ավտոմեքենան բախվել է կայանված վիճակում գտնվող Toyota Camry, Toyota Corolla մակնիշի, Mazda մակինիշի, երկու Audi մակնիշի և ՎԱԶ 21 ավտոմեքենաներին։

Ըստ նախնական տեղեկությունների` վթարի հետևանքով զոհեր և վիրավորներ չկան։

Կայքի տեղեկություններով` Toyota մակնիշի ավտոմեքենաները պատկանում են Ազգային ժողովի պատգամավորների, իսկ համարանիշերն էլ գրանցված են ԱԺ հաշվեկշռում։

ՃՈ-ն պարզում է բոլոր վարորդների ինքնությունները։

Կայքի հաղորդմամբ, BMW X5-ը հաշվառված է Երևան քաղաքի Մալաթիա-Սեբաստիա վարչական շրջանի բնակիչ 54-ամյա Գրետա Մկրտչյանի անվամբ։–0–