ԵՐԵՎԱՆ, 24 սեպտեմբերի. /Նովոստի-Արմենիա/. Նախօրեին ինքնասպանության փորձ է կանխվել Տիգրան Մեծի պողոտայի մոտակայքում:
Ինչպես հաղորդում է ՀՀ ԱԻՆ մամուլի ծառայությունը, ժամը 20:23-ին ահազանգ է ստացվել, որ Երևանի Տիգրան Մեծի պողոտայի մոտակայքում գտնվող քաղաքացի Գ. Տ.-ը (ծնված 1988 թ.) ցանկանում է ինքնասպան լինել՝ մեծ քանակությամբ դեղահաբ ընդունելով:
Դեպքի վայր են մեկնել ճգնաժամային կառավարման ազգային կենտրոնի օպերատիվ խումբը և հոգեբանը:
«Քաղաքացին հոսպիտալացվել է «Գր. Լուսավորիչ» ԲԿ: Բժիշկների կողմից տուժածի առողջական վիճակը գնահատվել է ծանր», - նշվում է հաղորդագրության մեջ: -0-