Պարզվել է հուլիսի 2–ին գնացքի տակ ընկած կնոջ ինքնությունը. մանրամասներ

ԵՐԵՎԱՆ, 6 հուլիսի. /Նովոստի–Արմենիա/. Պարզվել է հուլիսի 2–ին Եղվարդ-Նոր Հաճն վազուրդի 38-րդ կմ հատվածի 6-րդ կետում գնացքի տակ ընկած կնոջ ինքնությունը։

Ոստիկանության Արաբկիրի բաժնի կողմից հունիսի 30-ից որպես անհայտ կորած որոնվում էր 1974 թ. ծնված Անուշ Գասպարյանը, ով բնակվում էր Շրջանցիկ թունել 52 հասցեում գտնվող «Ձորակ» հոգեկան առողջության խնդիրներ ունեցող անձանց խնամքի կենտրոն» ՊՈԱԿ-ում, հաղորդում է ՀՀ ոստիկանության մամուլի ծառայությունը։

Գասպարյանը տառապում էր «Շիզոֆրենիա, պարանոիդ ձև» հիվանդությամբ:

Հայաստանում կինն ընկել է գնացքի տակ և մահացել>>

Հուլիսի 4–ին հաղորդվել էր, որ հուլիսի 2-ին, ժամը 23.40-ի սահմաններում, Եղվարդ-Նոր Հաճն վազուրդի 38-րդ կմ հատվածի 6-րդ կետում բեռնատար գնացքը վրաերթի էր ենթարկել երկաթգծի վրա նստած, անձը չպարզված մոտ 40-45 տարեկան կնոջ, որը մարմնական վնասվածքներով տեղափոխվել էր հիվանդանոց, այնուհետև հուլիսի 3-ին հիվանդանոցում մահացել:

«Ոստիկանության ծառայողների ձեռնարկած միջոցառումների շնորհիվ պարզվել է, որ անձը չպարզված մոտ 40-45 տարեկան կինը որպես անհայտ կորած որոնվող Անուշ Գասպարյանն է», – նշվում է հաղորդագրության մեջ։

Քննությունը շարունակվում է: -0-