Նոր մանրամասներ ՀՀ քաղաքացու մասնակցությամբ Թբիլիսիում տեղի ունեցած ՃՏՊ–ի մասին

ԵՐԵՎԱՆ, 27 մայիսի. /Նովոստի–Արմենիա/. ՀՀ ԱԻՆ–ը ներկայացրել է նախօրեին երեկոյան Թբիլիսիում տեղի ունեցած ՃՏՊ–ի մանրամասները։

Գերատեսչության մամուլի ծառայության հաղորդմամբ` մայիսի 27-ին, ժամը 10.32-ին Վրաստանի ՆԳՆ ԱԻ դեպարտամենտից տեղեկություն է ստացվել, որ մայիսի 26-ին ժամը 19.30-ի սահմաններում Թբիլիսի քաղաքի Փոնիջավա վարչական շրջանում տեղի է ունեցել ՃՏՊ։

«Mercedes mini van» մակնիշի 34 TT 795 պետհամարանիշով ավտոմեքենան բախվել է «ГАЗель» մակնիշի երթուղային տաքսուն:

Թբիլիսիում տեղի ունեցած ՃՏՊ–ի հետևանքով ՀՀ քաղաքացի է մահացել>>

««Mercedes mini van» մակնիշի ավտոմեքենայի ուղևորներից մեկը տեղում մահացել է (միջին տարիքի կին), 1982 թ. ծնված Սուրեն Վ.-ը, 1959 թ. ծնված Ռուսլան Գ.-ը, 1982 թ. ծնված Արտյոմ Տ.-ը և «ГАЗель» մակնիշի ավտոմեքենայից մեկ ուղևոր (ՎՀ քաղաքացի) հոսպիտալացվել են Թբիլիսի քաղաքի Օրտաչալա թաղամասի «New Hospitals» ԲԿ», –նշվում է հաղորդագրության մեջ։ –0–