ԵՐԵՎԱՆ, 6 ապրիլի. /Նովոստի–Արմենիա/. Նախկինում դատված և դատվածությունը դեռևս չմարված Հայկազը ներկայումս մեղադրվում է բռնաբարության փորձի մեջ։
Pastinfo–ի հաղորդմամբ, ըստ մեղադանքի՝ Հայկազը 2016 թվականի հունիսի 25-ին, ժամը 22-ի սահմաններում, սեռական հարաբերություն ունենալու նպատակով գնացել է մի կնոջ տուն։
Տղամարդը տան բակում բռնություն է գործադրել տանտիրուհու նկատմամբ՝ փայտով հարվածելով, ապա փորձել է սեռական հարաբերություն ունենալ նրա հետ:
Մինչդեռ կինը, իրական վտանգ զգալով, համոզել է, որ սուրճ խմելուց հետո կամովին կտրվի, սակայն Հայկազի համաձայնվելուց հետո նա դիմել է փախուստի:
Հայկազին մեղադրանք է առաջադրվել ՀՀ քրեական օրենսգրքի 34-138 –րդ հոդվածի 1-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:–0–