ԵՐԵՎԱՆ, 2 մայիսի. /Նովոստի-Արմենիա/. Այսօր՝ մայիսի 2-ին, մահվան ելքով վրաերթ է տեղի ունեցել Երևանում:
Ինչպես հայտնում է shamshyan.com-ը, ժամը 14:30-ի սահմաններում, Երևանի բնակիչ, 24-ամյա Սամվել Կիրակոսյանը, իր վարած Mazda մակնիշի ավտոմեքենայով, Դավիթ-Բեկի փողոցում վրաերթի է ենթարկել հետիոտն, Երևանի բնակիչ, 54-ամյա Լաուրա Աբրահամյանին:
Загружается новость ... "Лево"
Վարորդը փախուստի չի դիմել, ահազանգել է Երևանի 1-03 շտապօգնություն, և ժամանած բժիշկների հերթապահ խումբը արձանագրել է հետիոտնի մահը:
Փաստի առթիվ հարուցվել է քրեական գործ՝ ՀՀ քր-օր-ի 242 հոդված 2-րդ մասի (տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) հատկանիշներով:
Ըստ աղբյուրի, դեպքի վայրում հավաքվածները ասում էին, որ մահացածը աշխատում էր Վ. Սարգսյանի անվան ռազմական համալսարանում:-0-