Խոշոր ավտովթար Երևանում. Lada Priora-ն գլխիվայր է շրջվել (ՖՈՏՈ)

ԵՐԵՎԱՆ, 6 սեպտեմբերի. /Նովոստի–Արմենիա/. Այսօր՝ սեպտեմբերի 6-ին, խոշոր ավտովթար է տեղի ունեցել Երևանում։

Ինչպես հայտնում է shamshyan.com–ը, ժամը 11։10-ի սահմաններում Աթոյան-Էրեբունի փողոցների խաչմերուկում բախվել են Lada Priora մակնիշի և Opel մակնիշի ավտոմեքենաները։

Վթարի հետևանքով 2 հոգի մարմնական վնասվածքներով տեղափոխվել են «Էրեբունի» բժշկական կենտրոն։ Բախման հետևանքով Lada Priora-ն գլխիվայր շրջվել է։ Փաստի առթիվ նյութեր են նախապատրաստվելու։ Ոստիկանությունը պարզում է վարորդների, վիրավորների ինքնությունը։–0–